Këngëtarja e mirënjohur Ronela Hajati është shpallur fituese e “Festivalit të Këngës” dhe do të na përfaqësojë në “Eurovision 2022” në Torino me këngën “Sekreti”.
Teksa kjo këngë është kthyer në të preferuarën e të gjithë shqiptarëve, Ronela ka vendosur një rekord përfaqësimi në klasifikimin e Shkurtit në “Eurovizion” duke u renditur e 3-ta nga këngëët më të degjuatra e duke ngritur kështu pritshmëritë në eventin që do të mbahet mes 10 dhe 14 Majit në Torino të Italisë.
Ndërkohë, artistja ka bërë me dije se ka nisur xhirimet e videoklipit të këngës në jug të vendit, me një mesazh të fortë për ruajtjen e trashëgimisë sonë natyrore.
Burime për “Top Albania Radio”-n kanë konfirmuar se kënga po xhirohet buzë Vjosës, në Bylis.
Gjithashtu, u njoftua se në Gjirokastër dhe Tepelenë do të ketë gjithashtu fragmente të videoklipit. Video e cila do të publikohet në fillim të Marsit në kanalin zyrtar të “Eurovizionit” do të tregojë disa nga bukuritë më përrallore të Shqipërisë, që do të shërbejë si një promovim i përsosur për të gjithë dëgjuesit e eventit.
Ronela Hajati ka paralajmëruar disa ndryshime në këngën e saj, duke thënë se po bën të pamundurën për të sjellë versionin më perfekt tek publiku i gjerë.
