Tashmë, në shtëpinë e “Big Brother VIP Albania kanë mbetur vetëm 6 banorë, të cilët kanë qenë të izoluar për një kohë shumë të gjatë, për më shumë se plot 100 ditë.
Ndërkohë, moderatorja Arbana Osmani, disa javë më parë, ndau një komunikim të rëndësishëm me banorët, të cilëve u tha se me shtyerjen e atëherëshme të finales, katër finalistët e 18 shkurtit do të fitonin 10 mijë euro secili.
Kështu, së fundmi duket se banorët e shtëpisë më të famshmë në Shqipëri kanë dalë në një përfundim të papritur.
Ata kanë propozuar tek produksioni që të heqin dorë nga 10 mijë euro të çmimit të madh prej 115 mijë eurosh dhe të jenë 5 finalistë në 18 shkurt.
Megjithatë, “Vëllai i Madh” ka vendosur që mos të ndryshojë asgjë dhe në finale të shkojnë 4 banorë.
” ‘Vëllai i Madh’ e vlerëson dëshirën e tyre për t’i dhuruar një pjesë të parave konkurentit që do të jetë më pranë finales ose për të dhuruar një pjesë të tyre për bamirësi por ky është një vendim që mund ta marrë secili prej jush pas përfundimit të “Big Brother VIP”.”- thuhet në komunikim.
Rikujtojmë se televotimi për dy finalistët vazhdon të mbetet i hapur, ku mund të votohet mes Donaldit, Monikës, Einxhel dhe Arjolës.
