Tashmë, banorët e mbetur të “Big Brother VIP Albania” kanë qenë të izoluar për më shumë se 100 ditë. Teksa ndodhen shumë pranë finales e përfundimit të garës. produksioni i “Vëllait të Madh” ka menduar një surprizë shumë të këndshme për banorët, por me një kleçkë të papritur.
Iliri lexoi pak minuta më parë një njoftim, ku u shpjegohej konkurrentëve se ata mund të darkonin në ditët në vijim me të afërmit e tyre, por për ta bërë këtë, duhet të hiqnin dorë nga një shumë e caktuar parash nga çmimi i madh prej 115 mijë eurosh.
NJOFTIMI I ZARFIT
“Kanë mbetur edhe 9 ditë nga finalja e madhe. Këto ditë të fundit “Vëllai i Madh” ju jep mundësinë t’i kaloni sa më bukur jo vetëm me njeri-tjetrin por edhe me familjarët tuaj jashtë shtepisë së ‘Big Brother VIP’.
Kemi menduar që çdo dite të organizojmë darka në shtëpinë tuaj me miq dhe familjarë.
Por kujdes!
Për këto takime duhet të paguani me para të cilat i zbritën çmimit të madh prej 115 mijë euro.”
Kështu, banorët u entuziasmuan teksa filluan të planifikojnë darkat e takimet e tyre në vazhdim, takime të cilat do të përfshinin edhe prezantuesen Arbana Osmani, apo opinionistët e formatit.
