Adele i ka surprizuar të gjithë me gjestin e fundit në ceremoninë e ndarjes së çmimeve ‘Brit Awards 2022.’ Gjatë fjaimit të saj emocionues, ajo ka falenderuar ish bashkëshortin e saj Simon Konecki dhe djalin e tyre Angelo teksa mori çmimin e “Albumit të vitit” dhe “Artisten e vitit”.
“Dua të falënderoj të gjithë me të cilët punoj, por dua t’ia dedikoj këtë djalit tim dhe Simon-it, babait të tij, ky album ishte i gjithë udhëtimi ynë, jo vetëm i imi. Jam shumë krenare për veten time që kam qëndruar pas armëve të mia dhe kam nxjerrë një album për diçka kaq personale, jo shumë njerëz bëjnë më gjëra të tilla. Dhe djali im ka qenë kaq i sjellshëm dhe i duruar me mua gjatë viteve të fundit, kështu që kjo është për të.”-u shpreh Adele.
Rikujtojmë se ylli i “Easy On Me” dhe Simon Konecki filluan romancën e tyre në vitin 2011 dhe një vit më pas mirëpritën djalin e tyre, Angelo. Martesa e tyre mori fund pas gjashtë vitesh bashkë duke u divorcuar një herë e mirë nga njëri-tjetri.
Pas ndarjes së tij, Adele ka nisur një lidhje të re me agjentin e sporteve Rich Paul, me të cilin është parë të shoqërohet shumë shpesh në daljet e saj publike. Mirëpo, mesa duket lidhja e tyre është në krizë pasi ai jo vetëm që nuk u përmend në asnjë nga rreshtat e fjalimit të saj, por mungoi në ceremoninë e rëndësishme të ndarjeve të çmimeve për të mbështetur këngëtaren.
