Këngëtarja e njohur Taylor Swift dhe aktori Joe Alwyn, u lidhën për herë të parë në maj të vitit 2017 dhe kanë qenë gjithmonë të heshtur për marrëdhënien e tyre, duke mbajtur kështu shumë gjëra në errësirë për fansat.
Edhe pse çifti ka qenë gjithmonë privat përsa i përket romancës së tyre, një burim i “Us Weekly” tha se ata “kanë folur për të ardhmen dhe martesën e tyre”.
The Insider vuri në dukje se dyshja janë “shumë të dashuruar” dhe se Swift “e konsideron Joe një nga të vetmit persona konstant dhe të sigurt në jetën e saj”.
Aktori britanik përflitet se është subjekt i shumë prej këngëve të Swift-it, përfshirë këtu “London Boy” dhe “Cornelia Street”.
Megjithatë, fituesja e “Grammy”-t iu referua historisë së dashurisë së saj dhe Alwyn në dokumentarin e saj të Netflix, “Miss Americana”.
“Unë po dashurohesha me dikë që kishte një jetë jashtëzakonisht normale dhe të ekuilibruar. Ne vendosëm së bashku së donim që marrëdhënia jonë të ishte private. Unë isha e lumtur. Por unë nuk isha e lumtur në mënyrën se si isha trajnuar për të qenë e lumtur. Ishte lumturi pa kontributin e askujt tjetër. Ne ishim thjesht të lumtur,” tha ajo në dokumentarin e saj, i cili u publikua në janar 2020.
Edhe pse aktori luan Nick Conway, një burrë i cili ndodhet në ‘lidhje të hapur’ në serialin “Hulu’s Conversations With Friends”, ai është shprehur se jeta e tij romantike është shumë herë më ndryshe se ajo e personazhit që luan.
“Unë mendoj se njerëzit mund të bëjnë atë që duan dhe atë çka i bëjnë të lumtur. Unë jam padyshim i lumtur në një marrëdhënie monogame”, tha ai.
