Semi dhe Beatrix janë përballur sot për herë të parë pas daljes nga “Big Brother VIP”. Kjo ka ndodhur si rrjedhojë e faktit se dy vajzat kanë qenë të ftuara në spektaklin e sotëm të “BB VIP” në studio për të qëndruar në panelin e banorëve të eleminuar.
Ajo që u vu re ishte se vajzat janë ulur larg njëra-tjetrës, në dy skajet e panelit.
Kujtojmë se gjatë qëndrimit në shtëpinë më të famshme në Shqipëri dy këngëtaret fillimisht kanë patur një marrëdhënie shumë të mirë, gjatë kohës që qëndronin së bashku me Donald Veshajn. Megjithatë, pas largimit të Semit nga gara, duket se lindën shkëndijat e para midis Beatrix dhw aktorit të humorit, të cilët krijuan më vonë një lidhje dashurie që solli shumë polemika dhe dinamika në publik.
Semi nuk e ka pritur mirë këtë gjë, për shkak të shoqërisë së saj të ngushtë me Bora Zemanin, ish të dashurën e Donaldit.
Ajo e ka hequr nga lista e personave që ndjek në “Instagram” dhe shpesh herë e ka thënë publikisht se nuk e mbështet lidhjen e tyre. Në këto kushte, mund të mendojmë se kanë ndërprerë çdo komunikim.
Rikujtojmë se Semi dhe Donaldi fillimisht u përfolën për një lidhje, gjë që është hedhur poshtë nga të dy banorët.
