Ndonëse Beatrix Ramosaj nuk është më pjesë e shtëpisë së “Big Brother VIP”, Donaldin ka gjetur mënyra të tjera se si t’ia shprehë dashurinë asaj.
Aktori, i cili po vazhdon akoma rrugëtimin e tij brenda shtëpisë, ka treguar se ndjen mungesën e këngëtares, duke e shfaqur me një gjest romantik.
Donaldi, pas ikjes së Trixës, ka pasur një fotografi të saj të cilën e mbante tek shtrati i tij për ta parë herë pas here. Por, së fundmi të njëjtën imazh ai e ka stampuar në bluzën e tij.
View this post on Instagram
Ky moment i veçantë nuk i ka shpëtuar Beatrixit, e cila ka shpërndarë momentin e bukur në llogarinë e saj në Instagramit.
Kujtojmë, që para pak ditësh, artistja foli për herë të parë pas largimit nga “Big Brother VIP” duke treguar të gjitha ndjesitë që kishte përjetuar.
“Kanë kaluar disa faza pas daljes. Në fazën e parë kam qenë shumë e inatosur me veten time, se si i kisha përjetuar gjërat aty brenda dhe se si e kisha ndrydhur veten. Faza e dytë ishte kur vura në peshore të mirat dhe të këqijat dhe e pashë që kisha më shumë të mira brenda në shtëpisë.”- u shpreh Beatrix.
Këngëtarja tha se me aktorin kuptohej me sy pa pasur nevojë të komunikonin me fjalë dhe se ajo që ndodhi mes tyre ishte thjesht kimi.
