Kylie Jenner dhe partneri i saj Travis Scott, së fundmi sapo janë bërë prindër për herë të dytë duke sjellë në jetë një djalë. Por, mesa duket ky bekim i dytë nuk ka shërbyer për t’i bërë bashkë çiftin e shumëpërfolur.
View this post on Instagram
Bëhet e ditur se ylli i “Keeping Up With The Kardashians” është rikthyer tashmë në shtëpi pas lindjes të mërkurën që lamë pas dhe thuhet të jetë në gjendje të mirë shëndetësore. Një burim i tha “People” se edhe pse çifti ruajnë një marrëdhënie të mirë dhe po përpiqen të bëjnë gjithçka për të, ata kanë vendosur të jetojnë të ndarë. Marrëdhënia e tyre pësoi krisje pas tragjedisë në koncertin “Astroworld”, ku mbetën të vdekur disa njerëz për shkak të asfiksisë nga numri i madh i fansave.
Burimi i afërt shtoi se Kylie shihet tepër e përkushtuar ndaj të voglit dhe ka ndihmë të vazhdueshme dhe nga motrat e saj. Edhe pse çifti nuk e ka bërë akoma të ditur emrin e të voglit të tyre, ata po planifikojnë ta bëjnë këtë së shpejti.
Rikujtojmë se sipërmarrësja e njohur e bëri të ditur lajmin e ëmbël për të gjithë të dielën, pasi në të vërtetë kishte lindur një ditë pas ditëlindjes së vajzës, Stormi, e cila mbushi katër vjeç. Megjithatë, fansat e saj besnikë dyshonin gjatë gjithë kohës se Kylie Jenner kishte lindur tashmë, por nuk kishte vendosur ende ta ndante lajmin me të gjithë botën.
