E kishim pritur që gjërat midis Pete Davidson dhe Kim Kardashian të bëheshin serioze, por jo kaq shpejt.
Gjatë një interviste për People, teksa diskutonte për jetën e tij dhe si e përballonte ai famën, Pete e etiketoi Kim-in si “të dashurën” e tij.
“Unë nuk kam Instagram apo Twitter apo ndonjë nga këto gjëra. Pra, pjesa më e madhe e jetës sime të përditshme është të hyj në makina dhe të paraqitem në një set. Ose, nëse jam jashtë, ose rri me miqtë e mi ose qetësohem me të dashurën time brenda“, tha Pete në intervistën e publikuar të hënën.
Kjo përgjigje e Davidson shënon herën e parë që ai ose Kardashian kanë adresuar publikisht statusin e marrëdhënies së tyre.
Themeluesja e Skims, 41 vjeç, dhe ylli i “Saturday Night Live”, 28 vjeç, nxitën thashethemet për romancë pasi Kim udhëhoqi “SNL” dhe madje shkëmbyen një puthje në ekran në tetor. Disa javë më vonë, të dy dolën publikisht dhe u mbajtën për dore.
Që atëherë, ata kanë shpenzuar sa më shumë kohë për romancën e tyre. Ata kanë udhëtuar në Bahamas, kanë bërë një festë me Kardashian dhe mamanë e saj, Kris Jenner, dhe së fundmi kanë pasur një takim me motrën e Kardashian, Khloe Kardashian.
