Kim Kardashian është gati t’i lërë pas vetes “dramat” e bashkëshortit të saj Kanye West. Pasi ajo iu kthye në një mënyrë epike kundër sulmeve publike të reperit kundër saj, duke thënë se ai po “shkaktonte dhimbje” për të gjithë familjen e tyre, mbetën pyetje se çfarë e shtyu Kimin të arrinte në atë pikë. Një burim për “HollywoodLife” tha se nëna e katër fëmijëve është lodhur me deklaratat dramatike të Kanye.
“Kim është lodhur me mashtrimet e Kanye dhe ajo ndjeu nevojën të thoshte diçka publikisht një herë e përgjithmonë.
Kim ka bërë të pamundurën për të marrë rrugën e lartë gjatë gjithë kësaj kohe, por Kanye nuk i la asaj zgjidhje tjetër veçse të mbronte veten dhe fëmijët e saj publikisht. Edhe pse Kim nuk donte të merrte këtë rrugë, ajo është detyruar dhe është “e pikëlluar” për të gjithë situatën.
Ajo nuk do të lejojë që Kanye të vazhdojë të kalojë kufijtë me të. Ajo kurrë nuk i ka dhënë atij ndonjë arsye për të qenë kaq i hidhëruar për gjithçka dhe ai duhet të vazhdojë me jetën e tij dhe të ndalojë së përfshiri fëmijët e tyre në këtë situatë.”
Një burim tjetër i tha “HollywoodLife” se “veprimet ligjore” mund të hyjnë në lojë.
“Familja e Kim-it po e këshillon që të mos thotë asgjë më shumë”, tha burimi i brendshëm. “Kanye po bën akuza të rreme që janë jashtëzakonisht të dëmshme dhe, nëse ai nuk ndalon, avokatët e saj do të duhet të ndërmarrin veprime ligjore për ta mbrojtur atë, fëmijët dhe markën e saj.”
