Dita Botërore e luftës kundër kancerit shënohet në 4 shkurt, dhe është themeluar nga Unioni për Kontrollin ndërkombëtar për kancerin.
Sëmundja e kancerit konsiderohet si një ndër 100 sëmundjet më të përhapura në popullatën globale.
Specifika e sëmundjes së kancerit është në rritjen e pakontrolluar të qelizave anormale në organizmin tonë të cilat më pas sulmojnë organizmin tonë duke prekur organe të ndryshme dhe indet e shëndetshme.
Përhapja e madhe në këto vitet e fundit tregon qartë se sa shqetësues dhe alarmante është situata, si pasojë e shkaqeve nga më të ndryshme që fajësohen si shkaktar të kësaj sëmundje të rrezikshme.
Mjekët shpesh herë këshillojnë pacientët që asnjëherë të mos i neglizhojnë simptomat e para të kësaj sëmundje, pasi sa më herët të paraqitemi tek mjeku specialist aq më tepër mundësi kemi që ta kurojmë këtë sëmundje dhe përse jo të fitojmë betejën me të.
Shkak për formimin e qelizave kancerogjene në trupin tonë janë qelizat e vjetra jofunksionale në trupin tonë. Çdo ditë trupi ynë shumon qeliza të reja dhe të shëndetshme, kurse qelizat e vjetra apo ato jofunksionale vdesin. Ka raste kur qelizat e vjetra jofunksionale vazhdojnë të rriten dhe që më pas kthehen në qeliza kancerogjene duke u bërë kërcënim për shëndetin tonë.
Në këtë ditë të rëndësishme kundër sëmundjes së kancerit, mjekët specialist bëjnë apel që pacientët të kenë parasysh disa këshilla për të ulur sa më shumë rriskun nga prekja e kësaj sëmundje. Mënyra negative e të jetuarit krijojnë mundësi që gjenet të bëjnë mutacion, hormonet, viruse dhe baktere të caktuara.
Nëse ndryshohen disa shprehi në stilin e jetesës siç është prija e duhanit, stresi, sporti, të jetuarit në mënyrë të shëndetshme dhe ushqimi, mund të ulim edhe rriskun e prekjes nga kanceri.
/ata.gov.al
