Shumë pak kohë pasi arti dhe poezia shqiptare ishte në zi nga vdekja e poetit Arben Duka, ka ndodhur një tjetër ngjarje shumë tragjike në familjen e tij.
Djali i tij i quajtur Denis Duka është shuar në moshën 35-vjeçare.
Është zbuluar se i biri i poetit të njohur shqiptar ka ndërruar jetë në Shtetet e Bashkuara të Amerikës, për shkak të një infarkti, arsye e njejtë me vdekjen e babait të tij.
Denis Duka ishte i martuar, kishte një vajzë dhe jetonte prej vitesh në SHBA, ndërkohë që lajmi i trishtë është bërë i ditur nga miqtë e tij dhe të afërmit në rrjete të ndryshme sociale.
Nga ana tjetër, poeti Arben Duka ndërroi jetë më 14 dhjetor në moshën 64-vjeçare. Ai vuante nga një sëmundje e rëndë ndaj nuk mundi që të mbijetonte.
Ai ishte autor i mbi pesëdhjetë vëllimeve poetike të botuara e të ribotuara gjer në pesë herë. Ishte gjithashtu bashkëautor në rreth tre mijë këngë të të gjitha zhanërve duke filluar qysh nga viti 1974. Ka patur dhjetra çmime si autor dhe bashkëautor në gjininë e këngës, ku spikasin shtatë çmime të para në “Festivalet Kombëtare” të këngës në “Radio Televizionin Shqiptar”. Ai ishte autor i mijëra e mijëra vargjeve humoristike dhe satirike.
