Kim Kardashian dhe Pete Davidson nuk arritën ta kalonin natën e Vitit të Ri së bashku në Miami ku Davidson po punonte, por ata po e nisin vitin 2022 me pushimet e tyre të para të vërteta si çift.
“Daily Mail” publikoi sot foto të Kardashian dhe Davidson duke hipur në një avion privat për në Bahamas. Të dy ishin veshur me të zeza, Davidson kishte veshur xhinse dhe një bluzë të zezë, ndërsa Kardashian kishte veshur një look të zi pa mëngë.
Kardashian dhe Davidson u raportua për herë të parë se ishin në lidhje në nëntor. Kjo është lidhja e parë publike e Kardashian që kur ajo paraqiti kërkesën për divorc nga Kanye West në shkurt 2021.
Një burim foli për “People” më 28 dhjetor se si ka ecur marrëdhënia e Davidson dhe Kardashian. “Kim e pëlqen shumë”, tha një burim. “Kim dhe Pete janë të dy me të vërtetë përkëdhelës dhe të dashur me njëri-tjetrin. Ata duken më të rehatshëm se çiftet që janë bashkë prej kohësh. Kim është padyshim shumë e lumtur me të.”
“Us Weekly” mori gjithashtu një njoftim nga një burim më 28 dhjetor sesi Davidson dhe Kardashian po bëheshin gjithnjë e më pak të rastësishëm me kalimin e kohës. “Kim dhe Pete po bëhen serioze”, tha burimi. “Gjërat padyshim që janë përshkallëzuar shpejt, por në një mënyrë të shëndetshme dhe argëtuese. Tani për tani, ata thjesht po shijojnë kohën e tyre së bashku dhe po shohin se ku shkojnë gjërat.”
“Ajo nuk dëshiron të nxitojë për ndonjë gjë shumë serioze shumë shpejt”, shtoi burimi, duke vënë në dukje se Kardashian po shijon “fazat e hershme” të romancës së tyre.
