Një nga marrëdhëniet më të komplikuara që janë ndërtuar në shtëpinë e “Big Brother VIP Albania” është dhe ajo e Einxhel me Dj Dagz.
Dyshja ka qenë shpesh kryeqendra e temave të ndryshme pasi pëlqimi i dyanshëm është i dukshëm, edhe pse Einxhel shpesh herë është treguar e ftohtë dhe distante.
Ditët e fundit, kjo gjë është theksuar akoma më shumë, dhe Einxhel më në fund ka vendosur të reagojë.
“Kastile këto ditë nuk i kam ndenjur afër që të mësohet të rrijë me njerëzit e tjerë”, tha ajo.
“Po se është bërë shumë i ngjitur mbas teje,edhe Iliri po thonte qëpare që Dagz po bën gabim që po të rrin kaq afër”,i tha Beniada.
“Nuk është se ka ndonjë gjë të keqe por këtu nuk jemi që të rrimë gjithë kohës vetëm me një person,pastaj nga ana tjetër më vjen keq që të mos rri se e di që mërzitet”, u shpreh Einxhel.
Rikujtojmë se e pyetur në PRIME rreth marrëdhënies së saj me Arbrin, moderatorja ështtë përgjigjur duke thënë se mund t’i penalizonte.
“Nuk kam dashur të shihet sikur Dagzi po përdoret dhe besoj që një lidhje do të na penalizonte. Një nga pikat që nuk e kam të fortë në jetë është çështja sentimentale, s’i kam kushtuar vëmendje. Jam fokusuar tek puna, vetja, karriera. Nuk e kam menduar asnjëherë të përfshihem këtyre muhabeteve, të përkushtohem apo dedikohem.
Kam nevojë për kohën time, jam natyrë shumë diskrete, nuk e ndaj privatësinë time me gjithë botën. Nëse do të pyesësh jashtë miqtë e mijë, jam shumë e sigurt që nuk më kanë parë ndonjëherë duke e puthur. Jam natyre e tillë.”
