Në promo-n e “Big Brother VIP” për spektaklin e sotëm është lajmëruar se Antonela do të vihet përballë “Kutisë së Pandorës”, e cila të vendos përballë një zgjedhje të mirë dhe një të keqe (të vështirë).
Lart e poshtë thuhet se Antonela do të vihet përballë një ballafaqimi me Atdheun si edhe zbulimit të gjinisë të bebit që pret motra e saj Mariela, të cilën e ka përmendur shpesh brenda shtëpisë më të famshme në Shqipëri.
Antonela dhe Atdheu, të dy kanë qenë konkurrentë të formatit “Për’puthen” dhe kanë shprehur pëlqim për njëri-tjetrin.
Antonela kishte bërë deklarata të forta për Mevlanin ,kur Atdheu tregoi për një puthje që kishte ndodhur mes tyre nga fillimi i hyrjes së Antonelës në program.
Më pas ajo e akuzoi Atdheun për puthje të dhënë pa dëshirën e saj si edhe për skena dhune kur ai i ka hedhur karrigen Shqipes në studion e Prime-t.
Atdheu u largua nga “Për’puthen” për t’u rikthyer përsëri nga Antonela e për të vazhduar takimet me të.
Të dyja pëlqimet e Antonelës dolën çift me vajza të tjera, duke e lënë Antonelën ‘single’.
Në “Big Brother VIP” Antonela e ka përmendur Atdheun në debatin me Arjolën, duke implikuar se Atdheu është shkaku i inatit që ka Arjola me të.
Nga ana tjetër Atdheu jashtë ka mbështetur maksimalisht Arjolën duke thënë për Antonelën se ajo duhet ta lërë të qetë.
