Sot Besiana, apo siç e njohim të gjithë si Big Mama tregoi sot në “Live Show” e “Big Brother VIP” një histori mjaft të veçantë.
Ajo ka një mik të vogël, me të cilën është shumë e lidhur. Big Mama tregoi se që kur e ka njohur nuk ka ditë që të mos ketë komunikuar me të. Djaloshi i vogël quhet Andi dhe ka sindromën Down.
“Unë me Andin jam lidh tepër. Përqafimi i tij, dashuria e tij. Nuk e kam gjetur te askush. Unë i dua fëmijët shumë! Andi është aq i veçantë, ka aq emocion! Arbana e them shumë sinqerisht, para gjithë shqiptarisë, unë i lutem Zotit dhe ëndërroj ta kem një fëmijë si Andi”,- tha Big Mama.
Prindërit e djaloshit të vogël i bën surprizë një letër Big Mamës.
“Mirëmbrëma Besiana ose Big Mama, siç të njeh gjithë Shqipëria. Ishte bekim nga Zoti dita kur ti njohe birin tonë Andin. Natyra jote humane, optimiste, gazmore dhe shumë sociale ishte një rehabilitim për Andin. Andi është një fëmijë mjaft energjik, komunikativ dhe i dashur, por do shumë që t’i dedikohesh atij. Përkushtimi yt pa kushte është gati hyjnor. Më beso nga dita që ti hyre në jetën e Andit përditshmëria e tij ndryshoi tërësisht. Ti je engjëlli mbrojtës i djalit tonë, dashuri pa kushte, je muza e Andit…”,- shkruante ndër të tjera letra.
Andi gjithashtu i dërgoi një video mesazh duke i thënë se e do shumë.
View this post on Instagram
