“Emily in Paris” është kthyer në serialin më të lezetshëm, seksi dhe qesharak, për të cilën interneti nuk mund të reshtë së foluri, qoftë për mirë, apo për keq.
Krijuar nga Darren Star, i njohur për “Sex and the City”, seriali rrëfen aventurën e vajzës amerikane që udhëton drejt Parisit një vit për të punuar.
Ky serial u kthye shumë shpejt në pikën kryesore të diskutimit në internet, pasi u gjykua në sezonin e parë, por njëkohësisht edhe u pëlqye nga shumë të tjerë.
Shumë ndjekës u shprehën të pakënaqur si rrjedhojë e steriotipeve të shumta të krijuara, ndërkohë që disa të tjerë adhuronin karizmën dhe pozitivitetin që personazhi kryesor dhuronte.
Ndaj të gjithë presin me padurim vazhdimin e serialit aq të përfolur për të dhuruar komentin e tyre.
Kështu, sezoni i dytë i shumëpritur, na premton një kaos të vërtetë. Traileri i ri i Sezonit 2 duket se na bën të presim romanca të freskëta, flakë të vjetra dhe një rrëmujë të madhe përpara.
Emily, nga ana tjetër, orientohet në pasojat e çrregullta të lidhjes së saj me Gabrielin, miqësinë e saj me Camille dhe një burrë të ri në jetën e saj.
Ajo do të njihet me njerëz të rinj, do të krijojë drama dhe dashuri të reja, si dhe do të bëjë një udhëtim me miket e saj që do t’i ndryshojë jetën!
Sezoni i dytë mund të shikohet nga 22 dhjetori.
