Kledi Hysa është një nga ish-banorët e BBV i cili është përfolur shumë kohët e fundit. Pas fotove të tij me këngëtaren Sheila, ku shiheshin të përqafuar dhe të lumtur në krahë të njëri-tjetrit, siç duket marrëdhënia e tij me modelen Khaoula Selmi tashmë është ‘krisur’.
Duke bërë një kërkim në rrjetet sociale të dy personave tashmë të njohur, të ish-futbollistit dhe të modeles, shihet që këta dy të fundit nuk e ndjekin më njëri- tjetrin në rrjetin social Instagram. E teksa shohim që dyshja Hysa-Selmi që jetuan bashkë për 6 vite nuk ndiqen më në llogarinë Instagram, hidhen dyshime se çifti i ka dhënë fund lidhjes. Vlen të theksohet se gjatë gjithë qëndrimit të tij në “Big Brother Vip”, Kledi ka mbajtur në dorë byzylykun e Khaoula-s dhe kjo për ti dhënë një mesazh që të rrijë më e qetë. Por gjithsesi ndonëse mbante këtë byzylyk, Kledi gjatë kohës kur ishte brenda në shtëpi deklaroi se donte të njihte më shumë këngëtaren Beatrix Ramosaj.
Duke marrë parasysh këtë dhe fotot që bënë xhiron në rrjet, ku shihej ish-futbollisti bashkë me Sheilën, mund të themi se ndoshta këto mund të jenë edhe arsyet përse modelja Khaoula Selmi, e ka hequr nga Instagrami Kledin. Madje dyshja veç kësaj, ka hequr nga rrjetet edhe fotot me njëri-tjetrin. Nuk dihet ende zyrtarisht nëse Kledi dhe Khaoula Selmi janë ndarë, por fotot më poshtë tregojnë se marrëdhënia e tyre ndoshta ka marrë fund.
