“Big Brother Vip” nisi në tetor të këtij viti dhe shumë shpejt u bë qendra e vëmendjes. Madje në vetëm dy muaj, “Big Brother Vip” u bë fjala më e kërkuar nga shqiptarët në “Google”.
Siç ndodh në fund të çdo viti, publikohen statistika që llogarisin suksesin që ka pasur ndonjë personazh apo program televiziv. Nga këto të dhëna rezulton se termi më i kërkuar për vitin 2021 nga shqiptarët është “Big Brother Vip”.
Edhe vetë moderatorja Arbana Osmani e ka ndarë këtë lajm me ndjekësit e saj në Instagram.
“Big Brother VIP është termi më i kërkuar nga shqiptarët në Google për vitin 2021. Dhe të mendosh që nisëm në tetor”, ka shkruar Arbana në postim.
Kujtojmë që “Big Brother” u rikthye pas disa vitesh mungesë, por këtë herë me një format ndryshe. Tashmë nuk janë më njerëz të zakonshëm ata që janë në garë për çmimin e madh 100 mijë euro, por personazhe të njohur nga publiku.
Ndërkohë, personazhi më i kërkuar për këtë vit ka qenë Donald Veshaj, i cili ka lënë pas edhe ish-kryeministrin Sali Berisha.
Siç duket, situatat e krijuara në shtëpinë më të famshme në Shqipëri, duke nisur nga puthja me Borën e tashmë te lidhja me Beatrix, i kanë dhënë jo vetëm Donaldit një dorë, por edhe programit që të mbajë këtë pozicion.
