Dj PM ka realizuar intervistën e tij të parë pas largimit të tij nga shtëpia e “Big Brother VIP Albania”.
I ftuar në “Fan Club”, Pajtimi është pyetur një sërë pyetjesh lidhur me qendrimin e tij brenda shtëpisë dhe çeshtje të tjera.
Ndër të tjera, nuk u la pa u cekur edhe marrëdhënia e tij me Sarën.
Dj PM u pyet nëse brenda shtëpisë së “Big Brother VIP Albania” ka ndodhur diçka më shumë se puthja mes tij dhe blogeres.
Pajtimi nuk ngurroi të thotë se i dukej një veprim absurd. Ai thekson se ka parë shumë të flitet nëpër portale kjo temë, por “kurrë nuk do ta bënte”.
“Është një pyetje që ma kanë bërë shpesh dhe është shumë absurde edhe ta mendosh. S’e kisha bërë kurrë në një reality show. Puthjet kanë ndodhur, puthjet kanë qenë të shpeshta.”
Dj PM është larguar nga shtëpia e “Big Brother VIP” mbrëmjen e të premtes pa kolegun dhe mikun e tij Arbër. Ky i fundit, mëngjesin e djeshëm ka diskutuar lidhur me planin e paramenduar me Pajtimin dhe se duhet të lejë shtëpinë.
“Ne e kemi pas një muhabet non-stop që kur të dalim prej ktu, do dalim të dy bashkë dhe do na presin gjërat të dy jashtë. Ne hymë e si PM and Dagz dhe karrjerën jashtë duam ta vazhdojmë si PM and Dagz.”
