Reperi i njohur Noizy është arrestuar në Kosovë. Mediat fqinje raportojnë se reperi, emri i vërtetë i të cilit është Rigel Rajku mbrëmjen e kaluar, pasi mësohet se ka pasur një urdhër-arresti ndaj tij.
“Shoqërohet një person me urdhëresë të gjykatës. Mbrëmë në pikën kufitare, në Vermicë nga policia është ndaluar një person, i cili është shoqëruar në stacionin policor Qendra në Prishtinë.
Ndaj tij ka qenë aktive një urdhëresë të gjykatës. Zyrtarët policor në koordinim me institucionet përkatëse, po kryejnë veprimet e nevojshme procedurale”, thuhet në njoftimin nga Policisa e Kosovës.
Kujtojmë që, Noizy është kthyer ditën e djeshme nga Zvicra pasi ka qëndruar atje për disa ditë nën shoqerinë e reperit Mozikk dhe aktorit Blerim Destani.
Ndërkohë, kanë dalë edhe pamje nga arrestimi i reperit. Në foton më poshtë ai duket i shoqëruar nga forcat e policisë.
Kujtojmë që pak muaj më parë Noizy publikoi këngën shumë të dëgjuar me Mozzik, “Bonjour Madame”. Klipi i këngës nis me një pjesë kur Mozzik thotë “Hey Siri. Play Bonjour Madame”. Mirëpo, fansat thonë se në fakt kjo pjesë është një diss i hapur për MatoLale-n. Ky i fundit dëgjohet në këngën e tij, “Dybala”, duke thënë në “Hey Siri” ndërsa qesh. Sjellim në vëmendje se para pak muajsh, Noizy dhe MatoLale u përfshinë në një debat virtual.
E gjitha nisi kur MatoLale publikoi këngën e tij “Resto”, që hapur ishte një “diss” për Noizy-n. Mes rreshtave të këngës ai përmend edhe mikun më të mirë të Noizy-t, Varrosin.
