Kili ka kaluar një ligj historik që u jep të drejta të barabarta martese çifteve të të njëjtit seks, në një fitore të rëndësishme për aktivistët e të drejtave të komunitetit LGBTQI+ në një vend historikisht katolik.
Legjislacioni u miratua nga shumica dërrmuese në të dy dhomat e parlamentit për të votuar një projekt-ligj për barazinë martesore që përfshin gjithashtu legalizimin për birësimet nga çiftet e të njëjtit seks.
Me këtë Kili është bërë kombi i gjashtë në Amerikën e Jugut që lejon martesat e homoseksualëve.
Projektligji u miratua nga Senati me 82 vota pro dhe 20 kundër dhe dy abstenime. Pas votimit historik, disa deputetë në dhomë u përqafuan, duke përfshirë disa nga partitë kundërshtare.
Projektligji i martesës së barabartë ka ngecur në Kongres për katër vjet pasi u prezantua për herë të parë nga presidentja e majtë Michelle Bachelet dhe mbeti e lënë pas dore derisa iu dha statusi urgjent nga presidenti Sebastián Piñera.
Ligji do të lejojë çiftet homoseksuale me të drejta prindërore, të cilat deri më tani ishin të ndaluara me aktin e Unionit Civil.
Piñera në fjalimin e tij vjetor në Kongres më 1 qershor tha:
“Unë mendoj se ka ardhur koha për t’u garantuar atë liri dhe atë dinjitet të gjithë njerëzve”
