“Të ka lali shpirt” ka qenë dhe vazhdon të mbetet hit dhe një prej këngëve më të klikuara shqiptare në historinë e Youtube.
Ky bashkëpunim me 623 milionë klikime erdhi mes Silva Gunbardhit, partnerit të saj Dafit dhe Mandi Nishtullës.
Mirëpo, pas suksesit të jashtëzakonshëm marrëdhëniet mes çiftit dhe Mandit u prishën, ndërsa shkak për këtë sipas Mandit u bënë fitimet e klipit.
Pak muaj më parë, në një intervistë të dhënë për emisionin “Expuls” në RTV Ora përballë gazetarit dhe autorit të emisionit, Ronaldo Sharka, këngëtari akuzoi dyshen se i ka vjedhur lekët e klikimeve.
“Janë miliona euro, hallall t’i kenë, unë kam Zotin”- u shpreh Mandi asokohe ndër të tjera.
Po në emisionin “Expuls”, Silva Gunbardhi ka ardhur me fakte përballë Ronaldo Sharkës, për të treguar të vërtetën e fitimeve nga klikimet.
Këngëtarja bëri të qartë para publikut se ajo merr 10% të fitimeve nga klikimet e këngës, 0% i merr Dafi, 0% tekst-shkruesi dhe 90% të fitimeve i merr Alfred Sula, kompozitori dhe njëkohësisht kushëriri i Mandit.
“Jam prekur shumë, por nëse do vazhdoja të rrija e heshtur i bie të pajtohesha me faktin. Më kanë sharë hajdute, qorre ktheji lekët Mandit. Unë vetëm mirë kam bërë tek Mandi, madje kërkova 3 javë për veshjen e Mandit qe ai të dilte diç duhej në klip. Më kanë thënë kur*ë, kur këto gjëra i lexon nëna ime. Ç’kusur ka ajo. Ajo është e sëmurë me zemër me tension. Nëse Mandi do vazhdojë të flasë, unë do e hedh në gjyq”- u shpreh Silva.
Intervista e plotë:
