Sot në shtëpinë e ‘Big Brother VIP’ banorët dëgjuan një zë që po u bërtiste nga jashtë.
Personi në fjalë, i cili nga zëri dallohet se është mashkull kërkonte Donaldin dhe Beatrix.
Ai e ka sharë Donaldin ‘maskara’ dhe kur Beatrix e ka pyetur se kush ishte ai i tha se është një fans i Borës.
Beatrix iu përgjigj thjesht me një: okej dhe u largua.
‘Vëllai i Madh’ gjithashtu i paralajmëroi banorët të hynin brenda.
Nuk dihet ende se si ka ndodhur kjo situatë e se si ka mundur personi në fjalë të gjendet jashtë shtëpisë duke bërtitur kundra Donaldit dhe Beatrix.
Ky trekëndësh ka krijuar shumë reagime në rrjet.
Publiku i është kthyer kundra çiftit më të ri Donald-Beatrix dhe nuk ka munguar as gjuha e urrejtjes në rrjete sociale.
Për këtë edhe vetë prezantuesja, Arbana Osmani, spektaklin e djeshëm u tërhoqi vëmendje shikuesve të ‘Big Brother’ pasi një rast i tillë nuk kishte nodhdur kurrë më parë.
Nga ana tjetër ajo që po lavdërohet në rrjete sociale është Bora Zemani, të cilës i janë rritur ndjeshëm ndjekësit dhe është afër shifrës 1 milion në rrjetin social Instagram.
Donaldi, nga më i preferuari i publikut, është bërë këto kohë shënjestra e komenteve negative, e mesa duket dikush nuk është përmbajtur sa shkoi deri te shtëpia e ‘Big Brother’, siç paraqitet te videoja më lart.
