Beniada është një nga personazhet më karizmatik këtë ‘Big Brother VIP’.
Ajo i ka bërë për vete njerëzit me çiltërisnë dhe humorin e saj, e këtë herë gjatë bisedës me Sarën ka vendosur të rrëfejë diçka më personale.
Modelja tregoi se ka qenë e lidhur për 7 vite me një moshatar.
“Unë vetëm 1 lidhje kam pasur të gjatë. Kemi qenë bashkë për 7 vite nga 16 deri në 23. Ishim moshatarë të dy bashkë. Ishte dhe një kohë ndryshe atëhërë,deri në moshën 14 vjeç unë kam luajtur me kukulla.Ky luante futboll. Më shumë më shtyu mami,më thonte dil se unë kisha një tip çuni nuk doja të dilja me asnjeri. Kur më ftonte një djalë tek shkolla thoja jo s’më intereson”, tha Beniada.
Sarah e pyeti se a ka gjetur dikë tjetër përveç tij dhe Beniada ka thënë se jo.
“Unë kam punuar shumë dhe kam qenë gjithë kohës lart e poshtë me trena, me avion dhe s’kam pasur kohë të merrem me asgjë tjetër përveç modelingut”, tha Beniada.
Kujtojmë se Beniada mori ofertë nga Top Channel si prezantuese. Pas Big Brother-it duket se do ta shohim bukuroshen në ‘Procesin Sportiv’, pranë Ed Manushit dhe Alesia Bamit.
“Ne duam që ti të rrish deri në fund, të fitosh Big-un, dhe kur të vish të na bashkohesh ne”,- i tha Edi.
