Donaldi Veshaj dhe Beatrix Ramosaj janë shfaqur mjaft të afërt me njëri-tjetirn ditët e fundit në shtëpinë e Big Brother Vip dhe tashmë e kanë pranuar hapur pëlqimin që kanë ndaj njëri-tjetrit.
Ata janë larë dy herë në dush së bashku dhe nuk kanë munguar përqafimet dhe përkëdheljet mes tyre.
Nga kjo është kuptuar se Donaldi e ka lënë pas krahëve Borza Zemanin, për të cilën kishte thënë se ende e donte, javët e para në shtëpi. Ata madje shkëmbyen puthje kur Bora u fut në Big Brother Vip, duke lënë të kuptohej se ishin ribashkuar. Donaldi nuk harroi as përvjetorin e tyre dhe i dërgoi Borës me anë të produksionit, varësen e tij të cilën Bora e ka mbajtur publikisht. Por në puntatën e djeshme të Për’puthen duket se ajo e kishte hequr.
Pas të gjitha ngjarjeve ka reaguar edhe ish-konkurrenti i Për’puthen, Atdhe Xharavina. Ai ka ndarë një foto nga palestra me një varëse, për të cilën pyet ndjekësit nëse duhet ta heqë apo ta mbajë. Edhe pse nuk ka përmednur emra, është e qartë se ky postim ka qenë një ironi për Bora Zemanin.
Ata të dy janë përfolur gjatë për një lidhje mes tyre, pasi Atdheu kishte shprehur disa herë simpatinë për moderatoren pas daljes nga emisioni. Megjithatë të dy e kanë mohuar publikisht diçka të tillë.
