Flori Mumajesi dhe Fifi njihen për miqësinë e tyre dhe për bashkëpunimet e suksesshme që i kanë ofruar publikut shqiptar.
Kantautori i njohur e mbështeti haptaz kolegen dhe miken e tij në Instagram:
E mira Fifula që sot më shumë se kurrë të gjithë po flasin për ty edhe pse ti ske lidhje me helmin brenda tyre ! Të kryqezuan se interneti u jep mundesinë të ndihen superior , të mënçur, madje dhe Artistë! Taksirat shpirt , këtu u rritëm e këtu jetojmë,këtu në vendin tim e në vendin tënd ku unë e ti gabojmë e atyre iu “dhemb”
Një këngë krijuar nga ty @fifi.official.fr aty në atë shtëpi, që në çdo rast do të jetë e perkohëshme…
View this post on Instagram
Kujtojmë se Fifit i ra të fikët dje gjatë spektaklit të ‘Big Brother VIP.’ Teksa po diskutohej për ndërhyrjen e Fifit në lidhjen e Sarës dhe Pajtimit lindi një debat mes opinionistes Balina dhe Fifit. Balina i tha Fifit që nuk duhet të ndërhyjë dhe kjo ishte ndërhyrja e dytë që e bën gjatë këtij spektakli.Fifi tha se nuk ka ndërhyrë dhe se nuk ka nevojë për një vëmendje të tillë. Pas kësaj Fifi ajo humb ndjenja.
Ajo po komentohet kudo për shpërthimet e saj emocionale dhe publiku është ndarë në dy: ata që e mbështesin dhe ata që e duan jashtë shtëpisë më të famshme në Shqipëri. Nuk ka munguar mbështetja nga familjarët, miqtë, por edhe kolegët e saj.
