Khloe Kardashian është kritikuar nga fansat për komentet e saj për gjyqin e Kyle Rittenhouse. Ylli i “Keeping up with the Kardashians”shkroi në Twitter se ishte ‘pa fjalë dhe e neveritur’ pasi 18-vjeçari Rittenhouse u shpall i pafajshëm për të gjitha akuzat nga një juri të premten.
Përdoruesit e Twitter reaguan menjëherë në postimin e Khloe dhe shprehën zhgënjimin e tyre që ajo foli për vendimin, por ende nuk ka komentuar mbi tragjedinë e Astroëorld që ndodhi.
Pas një gjyqi dy-javor, Kyle Rittenhouse u lirua nga gjykata këtë javë pasi vrau dy persona dhe plagosi një të tretë në një protestë Black Lives Matter në vitin 2020.
Duke iu bashkuar një sërë personazhesh të famshëm që reaguan mbi këtë çështje, Khloe shkroi në Twitter: “Pa fjalë dhe e neveritur!” pas vendimit.
Përgjigjet nga ndjekësit e saj erdhën të shumta dhe të shpejta me shumë njerëz që pyetën se kur do të fliste hapur për ngjarjet tragjike në koncertin e Travis Scott më 5 nëntor.
“Ti do të komentosh për këtë, por jo për koncertin e Travis Scott? Qëndro në rrugën tënde zonjë”, i tha një komentues.
“Jam shumë i sigurt që po flisni për Rittenhouse, megjithatë shumë njerëz do t’i kthejnë këto tre fjalë kundër jush duke pasur parasysh se nuk keni thënë shumë për Astroworld,” tha një tjetër.
“Sapo mësuat se çfarë ndodhi në Astroworld ???”, pyeti një tjetër.
Megjithatë, të tjerët u ngritën në mbrojtje të yllit duke theksuar se ajo nuk kishte ‘asgjë të bënte’ me atë që ndodhi në festivalin e Travis Scott.
