Kanye West dhe Drake duket se i kanë dhënë fund mërive të tyre pasi janë shfaqur së bashku në një shfaqje komedi Dave Chappelle në Toronto.
Dy artistët e hip-hop-it, të cilët kanë kënduar vargje kundër njëri-tjetrit në të kaluarën, mund të shihen së bashku në një video të postuar në llogarinë e Drake “Champaign Papi” në Instagram. Kanye ka postuar gjithashtu një foto të tij, Drake dhe promovuesit të muzikës J. Prince në Instagram me një emoji “pëllumbi” për të theksuar paqen e bërë mes tyre.
View this post on Instagram
View this post on Instagram
Prince me sa duket organizoi ribashkimin dhe paralajmëroi një koncert muajin e ardhshëm.
“Çfarë nate të bukur pata mbrëmë në Kanada. Le të bëjmë histori më 9 dhjetor. Koncerti falas i Larry Hoover”, shkroi ai në Twitter.
What a beautiful night I had last night in Canada. Let’s make history December 9th. Free Larry Hoover Concert pic.twitter.com/2ri4r6wQcf
— J Prince (@jprincerespect) November 17, 2021
Hoover, një gangster i Çikagos, po vuan burgim të përjetshëm për vrasje.
Tensioni mes dy reperëve arriti kulmin me diss-këngën e vitit 2018 “Duppy Freestyle”, kur artisti i ftuar Pusha-T bëri rep për djalin e Drake, ekzistenca e të cilit nuk ishte publike në atë kohë.
Kohët e fundit gjërat për Drake nuk kanë qenë aspak mirë, pasi qindra njerëz janë bashkuar në një padi ndaj tij dhe Travis Scott për ngjarjet e dhunshme në festivalin Astroëorld, ku mbetën 10 të vdekur dhe ku Drake ishte i ftuar të performonte. Ai dhe Travis akuzohen se nxitën turmën të shtyhej drejt skenës, duke shkaktuar kështu trazirat tragjike.
