Dita Ndërkombëtare e Studentëve është një kapitull i rëndësishëm në historinë e botës. Ka shumë përpjekje dhe sakrifica pas festimit të kësaj dite. Në fund të vitit 1939, studentët e Universitetit të Pragës organizuan një tubim proteste më 17 nëntor për një Republikë të pavarur Çekosllovake dhe vrasjen e Jan Opletal dhe punëtorit Vaclav Sedelek. Me fillimin e demonstratave, forcat naziste gjermane rrethuan kampusin universitar, duke vrarë nëntë studentë drejtues dhe profesorë dhe dërguan 1200 studentë në një kamp përqendrimi në Sachsenhausen. Kjo ditë festohet kryesisht për të përkujtuar mentalitetin luftarak të studentëve dhe për të nderuar punën dhe talentin e tyre në fusha të ndryshme. Në vitin 1941, Unioni Ndërkombëtar i Studentëve të Londrës dhe organizata të ndryshme studentore shpallën 17 Nëntorin si Ditën Ndërkombëtare të Studentëve. Kjo ditë u njoh nga Kombet e Bashkuara në vitin 2000.
Studentët në pjesë të ndryshme të botës marrin pjesë aktivisht në këtë ditë të veçantë dhe organizojnë ngjarje të ndryshme. Në këtë ditë organizohen edhe gara të ndryshme duke organizuar takime dhe konferenca të ndryshme. Kjo ditë festohet gjithashtu si festë kombëtare në Republikën Çeke dhe Greqi.
Po në Shqipëri?
Situata e studentëve në Shqipëri është më e errët. Dy vitet e fundit kushtet janë përkeqësuar për shkak të pandemisë së Covid-19. Edhe në fillim të këtij viti akademik, universitetet janë gjendur përballë dilemës për të lejuar apo jo studentët e pavaksinuar në auditorë.
Dita Ndërkombëtare e Studentëve është në fakt një rikujtesë për të mundësuar edukim për të gjithë të rinjtë, pavarësisht mundësive. Por për një pjesë të madhe të të rinjve, arsimimi është ekonomikisht i pamundur. Në universitetet shqiptare tarifat e studimit variojnë nga 25000 lekë të reja te 50000 lekë të reja në nivelin Bachelor e deri në mijëra euro në nivelin master, në varësi të fakulteteve të ndryshme.
Shtuar kësaj edhe kostot e jetesës, librat e shpenzimet e tjera të një studenti, shumë të rinj e gjejnë thuajse të pamundur për t’u shkolluar.
Në një përpjekje për ta ndryshuar këtë, studentët në të gjithë vendein dolën në protesta masive në vitin 2018, duke kërkuar anulimin e Ligjit për Arsimin e Lartë dhe plotësimin e të tjera kërkesave. Megjithë protestat masive, shumë pak ndryshoi dhe dy vite më vonë studentët u përballën me një formë edhe më diskriminuese mësimi, siç ishte mësimi online. Pjesa më e madhe e studentëve nuk kishin pajisjet e duhura për të ndjekur mësimin online, shtuar kësaj edhe kostot e internetit e mbi të gjitha u detyruan të paguajnë tarifë të plotë shkollimi në një kohë kur nuk kishin qenë asnjë ditë në auditorë.
Tashmë të rikthyer në fakultete, studentët përballen me të njëjtat probleme të vjetra që prej vitesh nuk kanë gjetur zgjidhje, madje disa prej tyre janë thelluar edhe më shumë dhe e kanë bërë më të vështirë shkollimin për shumë të rinj shqiptarë.
