Arjon Muça ishte i ftuar si opinionist në Për’puthen Prime, ku u fol për situatën mes Alvisës dhe Hysenit, ngjarje që diskutohet prej ditësh.
Hyseni rrëfeu se përgjimet i ka kryer sepse është ndjerë i tradhtuar nga Alvisa, me të cilën pretendonte se ka qenë i lidhur gjatë qëndrimit në program.
Ndërsa Alvisa tha se nuk ka reaguar sepse është ndjerë e shantazhuar. Arjon Muça doli në mbrojtje të saj duke thënë se asnjë akt i saj nuk e justifikon dhunën.
Ky është problemi tek meshkujt shqiptar. Ne duke bazuar aktin e tjetrit justifikojmë dhunën. Jo vëlla i dashur, nëse partnerja të ka tradhtuar, nuk ke asnjë të drejtë mbi të, as ta dhunosh, as ta përndjekësh. Të vetmen të drejtë që ke, hapi krahun nëse do, në të kundërt prano tradhtinë e saj. Kaq. Nuk ke të drejta të tjera.
E ftuar ishte gjithashtu psikologia Arjana Muça, e cila foli për situatën mes Alvisës dhe Hysenit.
Vajza tregoi se është e mbivendosur psikologjikisht dhe ky shantazh ka ndodhur për një kohë të gjatë. Vërtet flitet për dashurinë, por brenda ka xhelozi, luftë në marrëdhënien në çift. Pra gjithë kohës je në konflikt me palën tjetër. Ajo ishte një marrëdhënie e shkatërruar se gjatë gjithë kohës je e abuzuar emocionalisht. Kjo është dhuna psikologjike, dhimbja e së cilës nuk zhduket kollaj. Duhet të trajtohet nga profesionistët.
