Mosmarrëveshja e ashpër midis Varshavës dhe Minskut u përshkallëzua në mënyrë dramatike mbrëmë kur trupat bjelloruse shkatërruan gardhin kufitar dhe penguan ushtarët polakë ta rindërtonin atë.
Pamjet filmike të publikuara këtë mëngjesin nga Forcat Kufitare të Polonisë zbulojnë se si trupat e saj u verbuan nga lazerët dhe dritat strobe teksa përpiqeshin të ngrinin kufirin.
Disa orë më parë forcat e Bjellorusisë kishin shkatërruar një pjesë të rrethimit prej 120 miljesh me tela me gjemba që ndan shtetet e Evropës Lindore. Emigrantët ishin gjithashtu të armatosur me gaz lotsjellës nga ushtria Bjelloruse për të sulmuar forcat polake pasi të kalonin kufirin, raporton Daily Mail.
Inkursioni ndodhi pranë qytetit Czeremcha, i cili ka parë qindra emigrantë të kalojnë përmes kufirit në javët e fundit, mes akuzave se Bjellorusia po e kthen në një krizë të armatosur me mbështetjen e Moskës.
Një zëdhënës i Forcave Kufitare Polake tha për MailOnline:
“Natën e kaluar pranë Czeremcha, ushtarët bjellorusë filluan të shkatërrojnë kufirin e përkohshëm duke rrëzuan shtyllat e gardhit.
“Forcat polake u verbuan nga rrezet lazer dhe drita strobe. Gjithashtu, një grup prej rreth 100 emigrantësh do të kalonin dhe Polonia thotë se bjellorusët u dhanë atyre gaz lotsjellës, i cili u përdor kundër forcave polake”, tha ai.
Ndërsa kriza u përshkallëzua, oficeri më i lartë ushtarak i Britanisë paralajmëroi se ekziston një rrezik më i madh i shpërthimit të një lufte aksidentale midis Perëndimit dhe Rusisë se në çdo kohë që nga Lufta e Ftohtë.
