Iliri dhe Donaldi kanë vendosur sot të bëjnë paqe dhe t’i sheshojnë gjithë mosmarrëveshjet me njëri-tjetrin.
Iliri i këshilluar nga Sabiani vendosi të sheshonte gjithë agravimin me Donaldin.
“I vetmi shqetësim që kam pasur ishte akuza jote për ngacmim ndaj Semit dhe ndaj vajzave. Atë unë nuk e përtyp dot”,- tha Iliri.
Donaldi nga ana tjetër mbështeti faktin se diskutimet mes tyre duhet të marrin fund. Ai nuk nguroi të kërkonte as falje për akuzat e thëna.
“Nuk kam dashur të të prek në asnjë moment, për atë pjesë të kërkoj shumë falje”,- tha ai.
Pajtimi mes tyre entuziasmoi tepër edhe Sabianin i cili kishte ditë që e uronte këtë gjë.
Kujtojmë se edhe dje gjatë spektaklit dyshja patën debate mes tyre, sipas Ilirit, Donaldi është zhurmues, ndërsa Donaldi e quan Ilirin tendencioz.
Ajo që u tërhoqi vëmendjen spektaklin e djeshëm ishte edhe Paloma, e cila u tha djemve se zihen për vëmendje dhe krijojnë situata të pa këndshme në shtëpi. Paloma gjithashtu u shpreh se zënkat midis tyre janë bërë shumë bajate dhe për publikun që i ndjek.
