Will Smith ka vazhduar me rrëfimet për jetën e tij dhe ka zbuluar detaje të reja nga marrëdhënia me të birin, Jaden.
Në një fragment nga libri i tij i kujtimeve, të ndarë me “People”, aktori 53-vjeçar kujtoi se sa i shkatërruar ishte djali i tij Jaden, tani 23 vjeç, pas dështimit kritik dhe komercial të filmit të tyre të vitit 2013 “After Earth”.
“After Earth doli tmerrshëm në box-office dhe një dështim nga kritikat. Dhe më e keqja ishte se Jaden mori goditjen”, shkroi aktori i Fresh Prince of Bel-Air.
“Fansatdhe shtypi ishin absolutisht të ashpër; ata thanë dhe publikuan gjëra për Jaden që unë refuzoj t’i përsëris. Jaden kishte bërë me besnikëri gjithçka që i kisha udhëzuar të bënte, dhe unë e kisha stërvitur për sharjen më të keqe publike që kishte përjetuar ndonjëherë.’
Aktori i “Pursuit of Happiness” u ndje mjaft keq kur Jaden, i cili ishte 15-vjeçar në kohën e publikimit të “After Earth”, i tha atij se donte të emancipohej.
“Ne kurrë nuk e kemi diskutuar atë, por e di se ai u ndje i tradhtuar. Ai u ndje i mashtruar dhe humbi besimin e tij te lidershipi im. Në moshën pesëmbëdhjetëvjeçare, kur Jaden më kërkoi të ishte një fëmijë i emancipuar, , zemra ime u thye. Ai përfundimisht vendosi kundër, por është e tmerrshme të di se i kam lënduar fëmijët e mi”, tha Smith.
