Ato janë një aksesor fytyre për hipster-at (ata që preferojnë të mbajnë mjekër shumë të gjatë), por duket se të kesh mjekër ju ndihmon që të jeni më tërheqës. Së fundmi pati shumë kritika lidhur me këtë trend të meshkujve, por mos u shqetësoni!
Sipas një studimi të fundit zbulohet se, vajzat që kërkojnë një lidhje i shohin meshkujt me mjekër si më tërheqës, se sa ata që nuk kanë mjekër.
Po nga studimi, rezultoi që burrat me mjekër krijojnë përshtypjen e një partneri serioz dhe jetëgjatë, gjithashtu japin idenë se janë më pjellor dhe më të gatshëm për të mbijetuar.
Por studiuesit zbuluan gjithashtu se mjekra mund t’i bëjë meshkujt të duken më të frikshëm lidhur me meshkujt e tjerë që konkurrojnë me ta për vëmendjen e një femre.
Dr Barnaby Dixson, një psikolog në Universitetin e Queensland-it në Australi, sqaroi: “Rezultatet tona sugjerojnë se mjekroshët mund të jenë tërheqës, kur gjykon marrëdhënie afat-gjatë si një potencial për të siguruar përfitime të drejtpërdrejta nga një femër”.
Ndërsa ata me pak mjekër, ngjallin mosbesim dhe idenë se janë Don Zhuanë.
Mjekra shihet si një shenjë mashkulloriteti në syrin e femrave, ndërsa studiuesit tregojnë se preferencat e femrave për një lidhje të gjatë kanë ndryshuar.
Burimi: Daily Mail
