Arbana Osmani dhe Sara Hoxha zbuluan se në shtëpinë e “Big Brother Vip” sonte do të bëhet pjesë një konkurrent i ri dhe bëhet fjalë për një djalë.
Ndërkohë sot gjatë spektaklit u bë me dije se aktori Igli Zarka do të bëhet pjesë e shtëpisë
Ai është pedagog i artit në Universitetin Evropian të Tiranës. Ai pëlqen sfidat dhe kërkoi nga Big Brother vetëm diçka, mos të humbasë dinjitetin.
Kujtojmë se 3 hyrjet e reja në spektaklin e së martës së kaluar në “Big Brother Vip” ishin vajzat e njohura të ekranit shqiptar, Einxhel Shkira, Beatrix Ramosaj dhe Sara Berisha.
Ndërkohë në nominim janë të gjithë banorët pasi Iliri, Monika dhe Sabiani thyen rregullat duke diskutuar për nominimet.
Sjellim në vëmendje se pjesë tani përveç 3 vajzave janë dhe 11 personazhe të njohur nga sfera të ndryshme të showbiz-it. Nëse akoma nuk e keni ndjekur “BBV”, Po ju njohim më poshtë me emrat e tyre.
- Ilir Shaqiri
- Donald Veshaj
- Beniada Jakic
- Sabiani
- Semi Jaupaj
- Granit Cana
- Kledi Hysa
- Arjola Demiri
- Fifi
- Ardit Cuni
- Monika Lubonja
Kujtojmë se në Top Channel “Big Brother Vip” këtë vit ka zbritur nga “froni” “Portokalli”, duke u bërë emisioni më i shtrenjtë për të reklamuar. Kështu një sekondë para se Reality show të nisë transmetimin kushton 5700 lekë, kurse gjatë transmetimit, 11,000 mijë lekë. “Portokalli” për reklamat që transmetohen para spektaklit kushton 4300 lekë, kurse gjatë transmetimit, 8500 lekë.
Të tretët ndër më të shtrenjtët janë sërish dy emisione të lidhur me “Big Brother VIP”; i pari është “Përmbledhje Ditore e BB VIP” dhe i dyti “Fun Club BB VIP”, ku çdo sekondë gjatë transmetimit paguhet 4600 lekë. Emisioni më i lirë për të reklamuar në ekranin e Top Channel është “Wake Up” kur bëhet fjalë para fillimit të transmetimit me një tarifë 610 lekë/sekondë dhe 1220 gjatë transmetimit.
