Kourtney Kardashian dhe Travis Barker e kanë çuar lidhjen në një tjetër nivel.
Para pak ditësh, 45-vjeçari i bëri propozimin e bukur nën perëndimin e diellit në Montecito, Kaliforni në një ambient të dekoruar me trëndafila të kuq dhe qirinj të bardhë.
Një burim tha për mediat e huaja se propozimi u bë pikërisht kur po perëndonte dielli dhe se Khloe Kardashian dhe Tristan Thompson ishin të dy të pranishëm.
“Kourtney dukej shumë e befasuar kur pa Khloe dhe Tristan atje. Travis e shoqëroi Kourtney deri në plazh, ku kishte vendosur lule të kuqe dhe të bardha të vendosura në formë zemre. Kourtney shihej e buzëqeshur dhe e habitur.“, tha burimi.
Duket se që tani kanë nisur spekulimet e para mbi ceremoninë e martesës. Aludimet për datën e martesës nisën pasi dyshja postoi një foto me pranga.
Fansa të shumtë vunë në dukje faktin se prangat kanë të gdhendur datën 2 Tetor 2022, për të cilën janë të shumtë se kjo do të jetë data që ata do të martohen.
Kujtojmë se edhe më herët një burim tjetër ka thënë se ata janë afeksionuar aq shumë pas njëri-tjetrit sa po mendojnë edhe të martohen dhe mesa duket paska pasur të drejtë.
“Kourtney dhe Travis kanë folur për martesën. Ishte një lidhje shumë e fortë dhe e papritur që nga momenti që ata u përfshinë romantikisht. Ata mendojnë të ecin përpara për një kohë të gjatë. Të gjithë në familje e adhurojnë Travis. Kourtney është shumë e lidhur me fëmijët e Travis dhe e anasjellta. Ata janë bërë një familje bashkë dhe kjo është shumë speciale”, kanë thënë persona të afërt të tyre.
