Artistja shqiptare që po na bën krenarë në të gjithë botën, Dua Lipa nuk i harron asnjëherë rrënjët e saj.
Së fundmi, ajo i është bashkuar thirrjeve për marshim para Konsullatës së Përgjithshme të Serbisë në New York për të kërkuar drejtësi për ata që janë dhunuar gjatë luftës në Kosovë.
Nëpërmjet një postimi në rrjetet sociale, ajo ka bërë apel për pjesëmarrje në nismën #RallyForHerJustice.
Kjo iniciativë kaq domethënëse është ndërmarrë nga deputetja Vafsije Krasniqi Goodman, e cila ka qenë vetë viktimë e kësaj dhune.
“Bashkojuni Vasfije Krasniqi-Goodman, në #RallyForHerJustice më 28 tetor në Neë York. Vasfije është një e mbijetuar dhe aktiviste e të drejtave të njeriut që e ka për mision mbrojtjen e të mbijetuarve në Kosovë dhe në botë duke kërkuar drejtësi për krimet e pandëshkuara gjatë luftës në Kosovë”, shkruan Dua në postimin e saj.
Artistja ngre zërin shpeshherë për kauzat që lidhen me prejardhjen e saj dhe nuk ngurron t’i tregojë gjithë botës se është shqiptare.
Ajo vazhdon të shënojë suksese të padiskutueshme, që çdo artiste do i lakmonte.
Së fundmi ajo ka shënuar arritjen e radhës me këngën e saj të fundit “Cold Heart” që e solli në bashkëpunim me legjendën e muzikës, Elton John.
Mjaft e lumtur për këtë, Dua ka bërë një postim në Instagram, ku shprehu gjithë gëzimin që i kishte dhuruar ky sukses.
“Numër 1 në Britani – Cold Heart me Elton John. Të ndaj këtë moment me heroin tim muzikor dhe mikun e dashur do të thotë gjithçka për mua !! Çfarë dite dhe udhëtimi magjik ka qenë ky. Faleminderit dhe ju dua”, ka shkruar Dua në postim.
