Vajzat e grupit të famshëm “Little Mix” po bëjnë plan që pas turneut të tyre në pranverë, të nisin një karrierë solo.
Thuhet se Perrie Edwards do të ndjekë një drejtim tjetër, larg muzikës.
“Këngëtarja ka kaluar më shumë se dy vjet duke punuar për një markë luksoze të quajtur “Disora””, bën të ditur burimi për “The Sun”.
Artistja ka paraqitur një kërkesë për këtë markë në mënyrë që të mbulojnë një numër të madh artikujsh si stoli, veshje dhe kozmetikë që do të lancohet ditët e ardhshme.
Kujtojmë se Perrie është në një marrëdhënie dashurie me Alex, me të cilën nisën të takoheshin në nëntor 2016-të, një vit pas ndarjes së këngëtares nga i fejuari, Zayn Malik.
Dyshja bëri daljen e tyre të parë publike së bashku në “BRIT” në shkurt 2017, dhe të njëjtin vit Little Mix mori çmimin për Single më të mirë Britanik për “Shout Out To My Ex”.
Gjatë një bashkëbisedim pyetje-përgjigje me fansat vitin e kaluar, Alex zbuloi mjaft detaje nga lidhja e tyre duke iu referuar periudhës së izolimit total.
“Ajo ka qenë e jashtëzakonshme gjatë karantinës. Ajo është shtëpia e duhur. Perrie ka pastruar, gatuar çdo ditë, vaktet kanë qenë të mrekullueshme. Ajo nuk mërzitet me mua duke luajtur Playstation. Unë e dua atë!”, ka thënë Alex për këngëtaren.
