Periudhës së bukur dhe rehatisë brenda shtëpisë më të famshme në vend i erdhi fundi pasi gjatë spektaklit së të martës mbrëma, përpos hapjes së televotimit për të larguar një banorë nga shtëpia, katër prej tyre, përfshirë dhe liderin e shtëpisë, Ilirin, u dënuan për shkak të disa thyerjeve të rregullave që kishin bërë gjatë ditëve.
Ata duhet të qëndrojnë dy ditë në dhomën e dënimeve, pa asnjë kontakt me konkurrentët e tjerë. Së bashku me Ilirin është dënuar dhe Fifi, Arditi e Paloma. Ku kjo e fundit, për shkak se aktivitetet janë të pakta brenda një dhome, ka marrë rolin e “fallxhores” duke i lexuar filxhanin Ilirit.
Edhe pse shumë e morën me shaka, ajo filloi duke shprehur detaje nga jeta personale e Shaqirit, duke përmendur se bashkëshortja e tij, Emanuela ndihej e ngarkuar emocionalisht dhe se ata mund të bëhen prindër për herë të dytë, madje me një djalë. Duke kujtuar që tashmë ai e ka një vajzë.
Por këto nuk janë gjërat e vetme që ajo ka parë në filxhanin e Ilirit, pasi ka shprehur se sheh disa re të zeza, të cilat nënkuptohen se brenda tij ka një peng të madh. Dhe se do të ketë disa shpërthime në jetën e tij.
Paloma ka zbuluar se di të lexojë filxhanin, por ende nuk e dimë sa e vërtetë është kjo, por mbetet për t’u parë se si do të rezultojnë këto parashikime për liderin e shtëpisë së “Big Brother VIP”.
