Pas 30 vitesh, këngëtarja e njohur Kylie Minogue po largohet nga Britania e Madhe për t’u kthyer në Australi.
Këtë vendim e ka marrë në mënyrë që të kthehet për të qenë sa më afër familjes.
“Kjo është diçka për të cilën ajo ka menduar për një kohë. Këtë vit, kur ajo ishte në Australi për një periudhë të gjatë për shkak të kufizimeve, kjo i dha kohë të mendonte se ku dëshiron të bazohet.”, tha një burim.
Këngëtarja, ashtu si shumë artistë shpenzon një pjesë shumë të madhe të kohës në udhëtime dhe për këtë arsye nuk e ka parë këtë si një vendim drastik.
“Covid-i i ka dhënë asaj shumë kohë për të menduar për të ardhmen dhe dëshiron të shohë më shumë nga familja e saj kur ajo nuk udhëton, kështu ajo do ta përdorë Australinë si bazën e saj.”, shtoi më tej burimi.
Ky vendim për të dukej i pamundur vitin e kaluar pasi në një intervistë të dhënë në shtator të vitit 2021, ajo u shpreh se i dashuri i saj, Paul Solomons nuk do të donte të lëvizte.
”Kjo nuk do të ndryshojë asgjë në jetën e Kylie, përveç asaj ku ajo ka zgjedhur ta thërrasë shtëpi. Dashuria e saj për Londrën dhe Mbretërinë e Bashkuar mbetet e përhershme dhe ajo do të jetë akoma këtu”, përfundoi burimi.
