Një ndër çiftet më të dashur për publikun janë padyshim William Levy dhe Elizabeth Gutierrez. Pas një periudhe aspak të mirë, ata e kanë gjetur rrugën e ribashkimit dhe kanë shpëtuar martesën e tyre.
Së fundmi, ata kanë publikuar në rrjetet sociale foto e video ku shfaqen në shoqërinë e njëri-tjetrit dhe ku duken më të dashuruar se kurrë.
Elizabeth ka publikuar në “Instastory” një foto pranë bashkëshortit, të shoqëruar nga një këngë romantike. Ajo i ka dedikuar William-it këngën “My only one” (I vetmi për mua) nga Sebastian Yatra dhe Isabela Merced.
Kujtojmë se në mars të vitit të kaluar qarkulloi lajmi se dyshja ishin ndarë.
Mediat e huaja shkruanin se ata prej muajsh kanë pasur konflikte dhe po qëndronin bashkë vetëm për hir të fëmijëve.
Dyshimet për ndarjen e tyre nisën kohë më parë dhe shkak u bë premiera e filmit “En brazos de un asesino”.
Ata u panë të zbrisnin nga makina të ndryshme dhe nuk qëndruan për asnjë moment bashkë.
“Edhe pse ende nuk duan ta bëjnë publike, fatkeqësisht ata nuk janë më çift. Megjithatë për hir të fëmijëve ata jetojnë në shtëpinë e tyre në Miami, por flejnë në krevatë të ndarë, si dy të huaj”, tha asokohe burimi.
