Klea Huta ka zbuluar para disa kohësh se ka kaluar Covid-19 së bashku me familjen e saj. Moderatorja ndau me ndjekësit eksperiencën e saj dhe ka treguar se gjëja më e tmerrshme ishte që nuk mund të nuhaste dot asgjë. Ajo u shpreh se nuk mund të nuhaste as erën e vogëlushit të saj, Krid dhe se kjo gjendje vazhdoi për shumë gjatë.
Mirëpo Klea tha se në momentin që mendoi se po i rikthehej normalitetit, diçka tepër e çuditshme i ndodhi. Ajo tregoi se disa ushqime i duket sikur kanë të njëjtën aromë si benzinë ose fekale. Moderatorja tregoi se është shumë gjë e shpifur dhe se e ka kapur paniku, ndaj duke e ndarë shqetësimin ka dashur të kuptojë se çfarë po i ndodh dhe nëse janë përballur dhe të tjerët me këtë problem.
Së fundmi ajo ka realizuar një bisedë virtuale me ndjekësit e saj ku dhe është pyetur pikërisht për këtë çështje.
Ajo zbuloi se Covid-19, tek ajo ka lënë pasoja si, ‘Parosmia’ e cila shtrembëron nuhatjen në ushqime të ndryshme. Siç tregon dhe moderatorja, më të njohurat janë: Veza, qepa, mishi etj. Kjo zgjat 1 deri në 3 vite, por Klea theksoi se tashmë është mësuar të jetojë me të, si pjesë e përditshme e jetës së saj.
“Shija nuk me ka ikur kurre. Te iken nuhatja sepse ne e shijojme ushqimin me hunde (provo te mbyllesh hunden dhe ha dicka). So nuhatja ime eshte rikthyer jo 100% ndersa ajo qe une pesova nga covid quhet “Parosmia” dhe shtremberon nuhatjen ne ushqime te ndryshme. Me te njohurat jane: veza, qepa, mishi… etj sidomos kur jane te nxehta, aroma eshte shume e keqe dhe e forte. Kjo zgjat 1-3 vite. Mua mu plotesua i vit dhe akoma sme eshte kthyer por kam mesuar te jetoj me te. S’me ben me pershtypje perpos faktit qe ka njerez qe kane lindur me Parosmia”, i është përgjigjur moderatorja ndjekësit.
