Këngëtarja e njohur shqiptare, Genta Ismajli, prej muajsh ndodhet në pritjen e ëmbël.
Ajo dhe partneri i saj, Huseyin Usta, do të bëhen prindër për herë të parë në vetëm pak muaj në ardhje.
E teksa e shijon procesin e shtatzënisë, Genta ka qenë e kujdesshme që ta mbajë sa më larg syrit të mediave këtë periudhë.
Megjithatë, emisioni “Prive” ka kuptuar se këngëtarja nga Gjilani është në pritje të jo një, por dy foshnjave.
Ajo dhe biznesmeni turk do të mirëpresin në jetën e tyre binjakë, teksa shumë shpejt pritet të organizojnë edhe një festë ‘babyshower’ për dy foshnjat në ardhje.
Genta Ismajli ka 2 vite që po jeton një histori të bukur dashurie me biznesmenin turk, Usta. Pasi lidhja e tyre u bë publike ata kanë qenë të pandarë nga njëri-tjetri dhe herë pas here nuk mungojnë dedikimet romantike në rrjete sociale.
Usta ndër të tjera ai shprehet se me Gentën do të martohet së shpejti, por ende nuk kemi një datë fikse për dasmën e shumëpritur të çiftit.
“Ti je njeriu i parë që dua të shikoj kur të zgjohem në mëngjes dhe njeriu i vetëm që dua të puth dhe t’i them natën e mirë. Hera e parë kur pashë duart e tua nuk mund ta imagjinoja se mund t’i mbaja unë. Të dua, sepse e di që ti je gruaja me të cilën do të martohem dhe ti do të më bësh njeriun më të lumtur në botë”, shkruan Usta në dedikimin romantik për Gentën.
