Morena Taraku shquhet për stilin e saj dhe këngëtarja gjithmonë e merr vëmendjen në një mënyrë apo në një tjetër.
Vazhdimisht në llogarinë e saj në Instagram ajo ndan momente nga përditshmëria e saj. Sot, modeles së njohur, i ndodhi diçka e papritur rrugës për Kosovë.
Atë e ndaloi policia dhe ajo e ndau me ndjekësit.
“Kështu të presin në Kosovë. Jemi të dashur dhe të mirëkuptueshëm kuptohet!”,- ka shkruar ajo në postimin e InstaStory-t.
Mesa duket bëhet fjalë për ndonjë gjobë.
Kujtojmë se karrierën e saj, Morena Taraku e nisi si modele dhe më pas iu përkushtua dhe botës së muzikës. Ndërsa tashmë ajo ka dhe një biznes të produkteve kozmetike në Stamboll.
Këngëtarja Morena Taraku është treguar gjithmonë e guximshme përsa i përket ndryshimeve në look-un e saj, duke marrë vendime drastike që e kanë tjetërsuar totalisht. Ajo për momentin i ka flokët e zinj dhe të shkurtër.
Projekti i saj i fundit, ka qenë pjesmarrja si modele në videoklipin e Ledri Vulës, në këngën “Don Mo”.
Kënga ishte hit veror dhe videoklipi me Morenën tërhoqi vëmendjen, pasi shumë fansa menduan se ai dhe Morena përshtaten shumë bashkë.
Por së fundmi reperi Stresi, ka lajmëruar se e ka gati një projekt me Morenën dhe se kjo është arsye për të festuar.
