Ditën e shtunë në emisionin Goca dhe Gra, Tea Trifoni zbuloi se djali me të cilin është përfolur më herët për një lidhje është në fakt gay.
“Jam gjykuar shumë për këtë gjë. Tea i ndërron të dashurit shumë shpesh. Unë jam shoqëruar shumë kohë me një mik timin. Ai është gay. Unë kam dalë me të në një bar, më kanë bërë foto mua dhe atij që nuk është fare publik dhe s’ka dashur të dali. E nxjerrin portalet dhe thonë Tea me të dashurin misterioz. Shkoj me të në Dubai dhe thonë Tea me sheikun e Dubait. Është i njëjti person. Madje unë nxjerr shokun dhe shoqen të dy bashkë, ata presin shoqen dhe nxjerrin djalin”, tha Tea gjatë emisionit të Top Channel “Goca dhe Gra”.
Djali, i cili quhet Gerald, ka publikuar sot në Instastory një foto të Teas pa filtra dhe pa make up.
Me shaka, Tea e ka konsideruar si “hakmarrje” nga ana e tij për deklaratën e bërë në program.
“Geri hakmerret dhe më poston pa filtra e pa make up”, ka shkruar ajo.
Kujtojmë se Tea , përveçëse shumë e përfolur si konkurrente e Për’puthen, asaj ju dha mundësia të prezantojë pranë 3 vajzave të tjera në një program televiziv.
