Këngëtari shumë i dashur për publikun shqiptar, Bujar Qamili, këngët e të cilit dëgjohen dhe këndohen nga të gjitha grupmoshat, ka performuar për herë të parë pas pauzës televizive si pasojë e situatës pandemike.
Artisti u infektua para disa muajsh me Covid-19 dhe madje e kaloi sëmundjen në formën më të keqe. Ai kaloi në gjendje kome për 21 ditë dhe eksperienca e tij ka qenë një nga më të vështirat.
Sonte, Bujari u bë pjesë e një skeçi me aktorin Ervis Saliasi, në spektaklin e humorit “Kosherja”, ku elektrizoi të gjithë publikun me këngën e tij “Mi dhe flakë mallit tim”.
“Në radhë të parë këtu kam ardhur për të nderuar dhe respektuar publikun që është sot këtu. Faleminderit se po krijojmë shumë atmosferë. Na ka marrë malli për duartrokitjet, na ka marrë malli për duartrokitjet e publikut. Kemi një vit e gjysmë që nuk komunikojmë njëri me tjetrin”, u shpreh ai.
Më herët, në një intervistë për emisionin “Rudina”, Qamili ka treguar se gjatë kohës që ishte në intubim u bë aq agresiv, sa mjekët janë detyruar t’i lidhin duart pasi dilte jashtë kontrollit. Këngëtari u shpreh se fatmirësisht është në gjendje të mirë shëndetësore, por atë që kaloi vetë nuk do t’ja uronte as armikut më të keq.
