Pas fitores së madhe që bëri krenarë shqiptarët anë e mbanë botës, Florian Marku na zbuloi me këtë foto edhe shkronjën e parë të bebushit që pritet të vijë së shpejti në jetë.
Unë, ti dhe M”, shkroi kampioni krahas kësaj foto kaq “cute”.
Kujtojmë se Marku ka triumfuar ndaj kundërshtarit të tij ukrainas, Maxim Prodan, në ndeshjen që u zhvillua për plot 10 raunde.
Boksieri shqiptar dhe Prodan janë ndeshur mes vete në ‘Tottenham Hotspur Stadium’ në një meç shumë interesant.
Kjo përballje ishte në kuadër të kategorisë “walterwight”, një kategori në mes të asaj të lehtë dhe të mesme.
Kjo ndeshje ishte shumë e fortë dhe u duk shumë i barabartë qysh në nisje, ku raundi i parë ishte testues për të dy.
Edhe raundi i dytë ishte i barabartë, por pati më shumë aksion, ku nuk munguan goditjet nga të dy boksierët.
Në raundin e tretë, Marku hyri furishëm duke arritur ta rrëzojë një herë kundërshtarin, por që nuk u llogarit ‘knockdown’.
Raundi i katërt nisi më mirë për Prodan, por Marku arriti të barazojë atë në pjesën e dytë të raundit.
Në raundin e pestë, shqiptari ishte më aktiv, duke dhuruar më shumë goditje, por pa arritur ta rrëzojë.
Raundi i gjashtë ishte bukur aktiv nga të dy boksierët, që dhanë nga disa goditje.
Në raundin e shtatë, ukrainasi Prodan ishte më i mirë duke goditur disa herë Markun.
Raundi i tetë i takoi boksierit shqiptar, i cili ishte më aktiv dhe goditi më shumë kundërshtarin.
Në raundin e nëntë u zhvillua meç i barabartë nga të dy boksierët.
Raundi i dhjetë dhe i fundit i takoi Markut, i cili veçse filloi të festonte nga fundi.
Në fund, u desh vendimi i gjyqtarëve për t’ia dhuruar fitoren boksierit tonë, Florian Marku.
Marku with some elusive head movement ?#ProdanMarku pic.twitter.com/GxokHozyFU
— DAZN Boxing (@DAZNBoxing) September 25, 2021
