Jennifer Aniston është figurë publike prej 30 vitesh falë suksesit të saj në serialin “Friends” dhe në karrierën në kinematografi, por e dini se çfarë ka punuar para se të bëhej e famshme?
Këtë gjë e ka zbuluar vetë ajo gjatë një interviste për “The Tonight Show With Jimmy Fallon”, ku tregoi se para se të bëhej e famshme ka qenë postiere me biçikletë.
“Unë kam qenë një postiere me biçikletë në New York. Kam punuar në një agjenci reklamash pas shkollës. Pra, për të fituar para shtesë, më duhej të bëja punë të çuditshme. Dhe një ditë postieri i tyre thjesht nuk u shfaq”, tha aktorja.
Përsa i përket jetës së saj personale, ajo deklaroi më herët se interesi për burrat e famshëm është zbehur dhe ish-lidhjet e saj me personazhe VIP janë diçka e të shkuarës.
Gjatë promovimit të sezonit të ri të serialit “The Morning Show”, theksoi se dëshiron që partneri i saj i ardhshëm të mos jetë domosdoshmërisht dikush që punon në të njëjtën industri me të.
Pyetur nëse marrëdhëniet mes një dysheje të famshëm-jo të famshëm funksionojnë, ajo u përgjigj:
“Absolutisht. Diçka e tillë ka ndodhur dhe kjo është pak a shumë ajo që shpresoj, që partneri im i ardhshëm të mos jetë pjesë e kësaj industrie”.
