Kim Kardashian dhe Kanye West me veprimet e tyre kanë nxitur thashethemet për një ribashkim.
Së fundmi, reperi ka filluar ta ndjekë përsëri ish-bashkëshorten e tij në Instagram. Përveç Kim-it ai tani po ndjek edhe disa llogari tjera në këtë rrjet social.
Ylli i “KUWTK”, Kim Kardashian, i çuditi të gjithë pasi për të mbështetur sërish Kanye-n në Soldier Field në promovimin e albumit të tij më të ri “Donda” , ku u shfaq e veshur si nuse. Ata rikrijuan edhe një herë skenën e martesës së tyre, që u organizua në vitin 2014-të.
Në fund të spektaklit Kim dhe Kanye janë larguar nga stadiumi të kapur përdore si një çift i vërtetë. Ky moment u fiksua nga të pranishmit në event dhe bëri xhiron e rrjetit.
Kujtojmë që 40 vjeçarja, u paraqit për divorc nga reperi në shkurt të këtij viti.
Kim Kardashian ka treguar më herët në serialin e famshëm të familjes së saj se cila ka qenë arsyeja që vendosi të zyrtarizonte divorcin e bujshëm me Kanye West.
“Asnjëherë nuk kam menduar se isha e vetmuar. Gjithmonë kam menduar se isha shumë mirë. Mund të kem thjesht fëmijët e mi dhe lëvizjet e bashkëshortit tim nga vend në tjetrin dhe unë jam në këtë rrugëtim me të. Dhe isha shumë në rregull me këtë gjë.
Por pasi bëra 40 vjeçe këtë vit, kuptova se jo. Nuk e dua një bashkëshort që jeton në një shtet komplet tjetër. Mendova ‘kështu shkojmë më mirë’, por më vonë kjo ishte e trishtueshme për mua. Dhe kjo nuk është ajo që dua”, i ka treguar Kim nënës së saj Kris Jenner.
